u das isch de nid zum lache.
Das mues de so richtig fäge u saunde,
wüu mir wei nid i zwöi Johr scho wieder graunde.
Si tüe de philosophiere u derbi nöji idee kreiere,
wüu angers söu sie si u das mues me probiere.
Plötzlech het üsi Idee no 3 Ahänger gfunge
u de isch am ........ 2000 ou die Gründig glunge.
Mir si de zfride zäme gehöcklet bi me Glas Wy
haub-haub söu dr Name vo dere Guggemusig si
Für Rüüm u Instrumänt si mir umegsprunge wie die Wüude
de die nöje Mitglieder söui sich ou musikalisch chönne büude.
Ds Mitglied isch bi üs im Vordergrund
das passt i z'Konzept u het si Grund.
Ufgsteuti Lüt wo gueti Musig mache
si zfride u finge zäme ou gäng öppis z'lache.
Sit 5 Johr läbe mir jetz mit dere Philosophie
u äs si mittlerwyle 35 Lüt meh derby.
So chöi mir de üsi Grundidee scho bau realisiere
u üsi Guggemusig cha vo zwo Site ufenang zue defiliere.
haub-haub heisst si jo
drum mache mir us eire, zwo.
Weisch wie n'i meine? Eifach angers muess es sy
drum chum zu üs u bis ou derby.